Organisering og leiing
Nkom har hovudkontor i Lillesand. Om lag 145 tilsette jobbar i sørlandsbyen, og resterande har arbeidsplassen sin på Nkom sine regionkontor i Lødingen, Trondheim, Lillehammer, Bergen og Oslo.
Nkom er delt inn i fem fagavdelingar. Spektrumsavdelinga, Konkurranseavdelinga, Teknologiavdelinga, Sikkerheitsavdelinga og Organisasjonsavdelinga blir kvar leia av ein avdelingsdirektør. Desse utgjer leiargruppa til direktøren saman med HR-sjefen.
-
John-Eivind Velure
DirektørJohn-Eivind Velure er fungerende direktør.
John-Eivind Velure er avdelingsdirektør i Spektrumsavdelinga og nestleiar i Nasjonal kommunikasjonsmyndigheit (Nkom). Velure er sivilingeniør fra NTNU, og har jobba i Nkom sidan 2004.
-
Espen Slette
SpektrumEspen Slette er fungerande avdelingsdirektør for Spektrumsavdelinga og fagsjef i avdelinga.
Spektrumsavdelinga forvaltar frekvensressursane i Noreg. Det inneber planlegging, tildeling og oppfølging av bruken av statens frekvensar. Avdelinga har også ansvar for å følgje opp internasjonale forpliktingar på radiofrekvensområdet, primært i CEPT, ITU og EU.
-
Hans Jørgen Enger
KonkurranseHans Jørgen Enger er avdelingsdirektør for Konkurranseavdelinga.
Konkurranseavdelinga følgjer opp regelverka som legg til rette for berekraftig konkurranse innanfor elektroniske kommunikasjons- og posttenester i Noreg. Nkom fører tilsyn med leveringsplikta til Posten Noreg og Telenor, behandlar klagar og meklar mellom tilbydarane. Avdelinga har også ansvar for forvaltning av nasjonale nummerressursar, for ekomtenester og -nett, og deltar i internasjonale fora for harmonisering av lovverk knytt til EFTA/EU.
-
Elise Lindeberg
SikkerhetElise Knutssøn Lindeberg er avdelingsdirektør for Sikkerheitsavdelinga
Sikkerheitsavdelinga utarbeider og følgjer opp krav til sikre og robuste elektroniske kommunikasjonsnett og -tenester. Dette inkluderer mellom anna tekniske analysar, risikoanalysar, regelverksutvikling, tilsyn, krise- og beredskapsøvingar og forvaltning av økonomiske tilskot til sikkerheits- og beredskapsformål. Sektorens responsmiljø for digitale hendingar, Nkom EkomCERT, ligg også i avdelinga.
-
Per Eirik Heimdal
TeknologiPer Eirik Heimdal er avdelingsdirektør for Teknologiavdelinga
Teknologiavdelinga fører tilsyn med kvaliteten på elektroniske kommunikasjonsnett (ekomnett) og har eit særskilt ansvar gjennom rettleiing og dialog med bransjen for å bidra til vidare utvikling av robuste ekomnett, og eit velfungerande internett.
Avdelinga følgjer opp at kommunikasjonsutstyr som blir selt på marknaden, oppfyller nødvendige krav. Andre viktige oppgåver er å følgje opp ulovleg bruk av frekvensar, elektromagnetiske forstyrringar på elektronisk kommunikasjon og gjennomføre dekningsmålingar og målingar av strålingsnivå. Avdelinga varetar også forpliktingane Nkom har som fagorgan for telestandardisering, og deltar breitt innanfor standardisering og i internasjonalt arbeid.
-
-
